Амэрыканскія гэбрэйскія асяроддзі станоўча выказаліся аб паломніцтве Папы ў Сьвятую
Зямлю
Удзячнасьць Бэнэдыкту 16 за ягонае падарожжа ў Сьвятую Зямлю выказаў старшыня Сусьветнага
Гэбрэйскага Кангрэсу. Рональд Лаўдэр сустрэўся 20-га мая з кардыналам Бэртонэ.
Дзяржсакратар Сьвятога Пасаду запэўніў яго, што ў Ватыканскіх Архівах ідуць працы,
якія маюць на мэце зрабіць даступнымі матарыялы з гадоў 1939-1945. Чытаем аб гэтым
у камунікаце выдадзеным пасьля іхняе сустрэчы гэбрэйскаю арганізацыяю, што мае сваю
сядзібу ў Нью Ёрку. Кардынал Бэртонэ заахвоціў таксама Сусьветны Гэбрэйскі Кангрэс
да ўдзелу ў дасьледаваньнях архівальных матарыялаў з дзейнасьці Папы Эўджэніё Пачэльлі,
будучага Папы Пія 12. Прыпомніў, што яны ўжо даступныя дасьледчыкам. Рабін Лаўдэр
са свайго боку сьцвердзіў, што хаця нядаўнае падарожжа Папы ў Сьвятую Зямлю было нялёгкім,
то вынікі яго пазітыўныя ( станоўчыя). Паломніцтва прычынілася да ўзмацаваньня ўзаемнага
зразуменьня паміж хрысьціянамі і гэбрэямі,- дадаў старшыня Сусьветнага Гэбрэйскага
Кангшрэсу. Пісьмо да Папы з падзякаю за паломніцтва ў Сьвятую Зямлю пераслаў
у гэтых днях старшыня фонду «Pave the Way” ( пракладаць сабе дарогу). Рабін Крупп
зьвяртае ўвагу, што прыбыцьцё да рэгіёну так падзеленага палітычна, рэлігійна і культурна,
з пасланьнем Божага міру патрабавала вялікае адвагі і сілы. Амэрыканскі гэбрэй, які
ёсьць заснавальнікам і старшынёю ўспомненага фонду з сядзібаю ў Нью Ёрку, падкрэсьлівае
ў лісьце да Папы Бэнэдыкта 16, што ёсьць асобы, якія правільна ацэньваюць паломніцтва
Папы. Яны ўзносяцца над усе крытыкі і варожасьці некаторых камэнтатараў падарожжа
Папы ў Сьвятую Зямлю- піша Крупп.