Ляўрэата Нобелеўскай прэміі будуць судзіць за словы пра генацыд армян

Ляўрэат Нобэлеўскай прэміі ў галіне літаратуры Архан Памук у чарговы раз абвінавачваецца ў “абразе турэцкасьці”. За парушэньне 301-га артыкула Крымінальнага кодэксу Турцыі яму пагражае турэмнае зьняволеньне.
Чатыры гады таму сусьветнавядомы турэцкі пісьменьнік у інтэрвію швайцарскай газэце “Bild” заявіў, што ў Турцыі “было забіта мільён армянаў і 30 тыс. курдаў”. Празь некалькі дзён Памук быў абвінавачаны ў абразе турэцкасьці. У Турцыі тэма генацыду армян забароненая, урад сьцьвярджае, што падчас І Сусьветнай вайны адбываліся “сутычкі й высяленьні”.
Дзякуючы міжнароднаму рэзанансу й вострай крырытыкі ЭЗ турэцкі суд адклікаў абвінавачаньні. Гэтым разам Памука будуць судзіць за тое самае інтэрвію. Заяву ў суд супраць пісьменьніка напісалі шэсьць чалавек: сваякі жаўнераў, якія загінулі ў баях з тэрарыстамі Партыі працоўных Курдыстану й нацыяналістычны юрыст Кэмал Кэрынціш. Апошні ініцыяваў папярэднюю справу супраць Памука.
Раней суды двойчы адхілялі іх позвы. Аднак гэтым разам апэляцыйны суд палічыў, што справа мае быць разгледжаная.