Агульная аўдыенцыя Сьвяцейшага Айца ў сераду 20-га мая
Адбылася яна на Плошчы Сьвятога Пятра. Прыбыло на яе многа вернікаў і паломнікаў
з кожнага кутку сьвету. У часе сёньняшняе аўдыенцыі Сьвяцейшы Айцец зрабіў падрахунак
са свайго толькі, што закончанага Апостальскага Падарожжа ў Сьвятую Зямлю. Была гэта-
як сказаў Папа.- перад усім пілігрымка да крыніцаў веры, але таксама душпастырскі
візыт у Касьцёле, які жыве на гэтых тэрыяторыях і ёсьць знакам, што хрысьціянства
там прысутнае, што мае там свае карані. Першы этап ахопліваў
Ярданію з гарою Нэбо, з якой Майсей бачыў Сьвятую Зямлю перад сваёю сьмерцю ды Бэтанію.
У Ярданіі пражывае найбольшая хрысьціячнская супольнасьць Сьвятой Зямлі і цешыцца
пашанаю грамадзітва, асабліва з огляду на ўчынкі міласэрнасьці, якія там ажыцьцяўляе. За
тое ў Ізраілі Сьвяцейшы Айцец сустрэўся як з прадстаўнікамі ізраільскіх і палестынскіх
уладаў так і з рэлігійнымі кіраўнікамі мусульманаў і гэбрэяў. Папа намагаўся пераканаць
усіх, што прымірэньне і мір, міма цяжкасьцяў, ёсьць магчымыя. Каб даць гэтаму выяўленьне
Сьвяцейшы Айцец стаяў у малітоўным засяроджаньні перад Мурам Плачу і пад Капулаю на
Скале- Сьвятымі месцамі юдаізма і ісламу. У рамках душпастырскага візыту Бэнэдыкт
16 наведаў Бэтлеем, Назарэт і Ерусалім. Адправіў там Літургіі, на якіх вернікам абвяшчаў
праўду аб Уваскрослым Хрысьце; аб міры, як аб дары Сьвятога Духа; аб значэньні сям”і
ў грамадзкім жыцьці і аб адважнасьці, якая неабходная ў даваньні хрысьціянскага сьведчаньня.
На заканчэньне аўдыенцыі Папа прывітаў ўсіх вернікаў, асабліва хворых, моладзь ды
новыя шлюбныя пары надзяляючы на ўсіх сваё Апостальскае Блаславенства