(19.05.2009 RV)Nisi formalisht në Moskë rruga e gjatë drejt çarmatimit. Pas
kontaktit të parë në Romë, gjatë prillit të shkuar, SHBA dhe Rusia filluan kështu
raundin e parë të bisedimeve që mbase do të çojë në një traktat të ri të reduktimit
të armëve strategjike. Qëllimi është që brenda pesë muajsh të përpilohet një plan,
që do të zëvendësojë Traktatin Start, që ka njëzet vjet e që skadon më 5 dhjetor. Në
Moskë u takuan Anatolij Antonov, drejtori i Departamentit për Sigurinë dhe çarmatimin
të Rusisë, dhe Rozë Gotmyler, ndihmëse e sekretares së shtetit. Ky takim i paraprin
takimit të nivelit të lartë ndërmjet presidentit Obama dhe atij rus Medvedev.