(18.05.2009 RV)Kreu i ushtrisë srilankeze shpalli fundin e operacioneve kundër
Tigrave tamil, duke siguruar se rebelët separatistë janë mundur krejtësisht e se kontrolli
i ishullit nga ana e qeverisë është i plotë. Është vrarë edhe kreu historik i Tigrave,
Prabhakaran. Përfundoi kështu zyrtarisht konflikti, që zgjati 26 vjet, por akoma duhet
përballuar emergjenca e rëndë humanitare, që lanë luftimet e fundit. Mëse 250 mijë
vetë janë larguar nga shtëpitë në zonat e luftimit dhe ndodhen aktualisht në kampe
refugjatësh, në kushte shumë të këqia.