Udhëtimi XII Apostolik i Benediktit XVI. Sot në Betlehem
(13.05.2009 RV)Dita e gjashtë e
vizitës së Benediktit XVI në Tokën Shenjte. Papa ndodhej në Betlehem, vendi i lindjes
së Krishtit, djepi i shpresave të gjithë njerëzimit për Shëlbim. Cili ishte aktiviteti
i tij i sotëm, ku shkoi e kë takoi, e tha vetë Ati i Shenjtë në ceremoninë e lamtumirës: “…pata
gëzimin të kremtoj Meshën me një numër të madh besimtarësh në vendin ku lindi Jezu
Krishti, drita e kombeve dhe shpresa e botës. Pashë kujdesin për fëmijët në Spitalin
e fëmijëve të Karitasit. Me ankth, pashë gjendjen e refugjatëve, të cilët, si Familja
Shenjte, janë detyruar të braktisin shtëpitë e tyre. E pashë murin e ndërtuar në territoret
tuaja, që ndan të afërmit e familjet, rrethon kampin e fsheh shumë nga Betlehemi”.