Лацінскі Патрыярх Іерусаліма арцыбіскуп Фуад Туаль перакананы, што Бэнэдыкт XVI скіруе
моцнае пасланне да жыхароў Святой Зямлі. Па словах Патрыярха, мясцовыя хрысціяне чакаюць
ад Папы словаў зразумелых і рашучых, каб жыць верай у вельмі скаладанай сітуацыі.
Арцыбіскуп
Фуад Туаль нагадвае, што пілігрымка Святога Айца ў Ізраіль, якая распачнецца ўжо заўтра,
8 мая 2009 г., будзе для мясцовай хрысціянскай супольнасці адначасова і пастырскім
візітам. Безумоўна, гэты візіт мае таксама іншыя аспекты, як, напрыклад, імпульс да
міжрэлігійнага дыялога або палітычнае значэнне, бо «Бэнэдыкт XVI будзе заклікаць да
супакою і паяднання ў абставінах велізарнага напружання і бясконцых канфліктаў», —
адзначыў лацінскі Патрыярх Іерусаліма.
На думку іерарха, гэты візіт будзе
адрознівацца ад пілігрымкі Яна Паўла ІІ ў 2000 г. Перш за ўсё таму, што змянілася
знешняя сітуацыя ў краіне: дзевяць гадоў таму была надзея, а сёння пануе расчараванне.
«Я
перакананы, што Папа, нікога не абражаючы, скіруе да мясцовых жыхароў належнае пасланне
з заахвочваннем скіраваць позірк на Бога», — лічыць арцыбіскуп Фуад Туаль. Паводле
Cftholic.By