Kisha në Pakistan: të ndalet dhuna kundër të krishterëve!
(08.05.2009 RV)Terror e dhunë në
Pakistan kundër bashkësive të krishtera. Gjatë javëve të fundit janë shumëfishuar
sulmet e talebanëve dhe të fondamentalistëve islamikë në dëm të të krishterëve. Në
Karaçi, javën e kaluar janë sulmuar familje të krishtera dhe talebanët kanë vrarë
një fëmijë. Pak ditë më parë, tjetër krim në një fshat afër Faisalabadit: një vajzë
nëntë vjeçare u përdhunua dhe më pas u vra. Për këtë valë të re dhune, intervistuam
drejtorin e Komisionit “Drejtësi dhe Paqe” të Konferencës Ipeshkvnore Pakistaneze,
atë Emanuel Jusuf Mani: Besoj se ky grup me orientim taleban nuk është shumë
i madh. Duan të imponojnë idetë e tyre në vend. As pjesa më e madhe e myslimanëve
nuk është dakord me ta e me veprimtarinë e tyre. Opinioni im personal është se duhet
të ndalohen me mjete paqësore, pasi neve na duhet të jetojmë në këtë vend, në Pakistan.