Ամենայն Հայոց Կաթողիկոսը ընդունեց երիտասարդ քաղաքական գործիչները

Կիրակի 3 Մայիս 2009-ին, Գարեգին Բ Ամենայն Հայոց Կաթողիկոսը ընդունեց Եւրոպայի 19 երկրներու երիտասարդ քաղաքական գործիչներու հաւաքի մասնակցողները։

Վեհափառը, քաղաքական գործիչներուն ներկայացուց Մայր Աթոռ Սուրբ Էջմիածնի հիմնադրման պատմութիււնը ու Հայ Եկեղեցւոյ կարևոր առաքելութիւնը հայ ժողովուրդի կեանքին մէջ։ Անդրադարձ կատարեց ներկայիս փոփոխութիւն կրող՝ աշխարհի մարտահրաւէրներուն և անոնց դիմագրաւման գործին։

Եւրոպայի երիտասարդ քաղաքական գործիչներու բազմաթիւ հարցումներուն ի պատասխան՝` Վեհափառը անդրադարձաւ Հայ Եկեղեցւոյ միջեկեղեցական ու միջկրօնական յարաբերութիւններուն և անոնց կարևորութեան, ներկայիս քաղաքական գործընթացներուն, ինչպէս նաև աշխարհը յուզող տնտեսական ճգնաժամին ու Եկեղեցւոյ դերը անոր յաղթահարման գործին ։