Парыж: Тут аб'яўлена аб прэзентацыі 5 мая чарговага Мітынгу дружбы між народамі,
які па традыцыі пройдзе ў італьянскім курортным горадзе Ріміні напрыканцы жніўня.
Сёлета - ён юбілейны, 30-ты " Meeting" ад ягонага запачаткавання ў 1979 годзе. Цяпер,
5 мая адбудзецца прэзентацыя ў сядзібе ЮНЭСКА, дзе адкрылася пранагодная выстава -"30
гадоў дыялогу" . Такая ж тэма жнівеньскай сустрэчы. Каля 700 тысяч чалавек былі
за 30 год уключаныя ў праекты дыялогу цывілізацый. Мэтаю "Meeting" у Ріміні было
і застаецца паглыбленне сувязей культурнага, рэлігійнага і палітычна-плюралістычнага
характару між усімі зямлянамі дзеля падвышэння міру і свабоды. Мітынг заўсёды вельмі
чуллівы да драматычных сітуацый і гуманітарнай дапамогі, дык запрашае да сябе сведкаў
розных падзей - як жудасных трагедый, так і радасных стваральных выяў сучаснага
грамадства. Дыскусіі, сустрэчы і дакументальныя сведчанні суправаджаюцца творчымі
падзеямі: ідуць канцэрты, выставы, фільмы. На майскай прэзентацыі ў сядзібе Юнэска
будуць першыя заснавальнікі мітынгу, а таксама старшыня гэтай арганізацыіі пры ААН,
аглядальнік ад Святога Пасаду і прэзідэнт Фундацыі Мітынгу.