Рым. Тут, у ватыканскім палацы святога Каліста праходзіць Міжнародная сустрэча "Пілігрымуючы
па Зямлі", зарганізаваная Папскай радай па Пастырстве сярод мігрантаў і вандраўнікоў.
Сакратар Рады арцыбіскуп Агосціно Маркето, былы апостальскі нунцы ў Беларусі, вітаючы
прадстаўнікоў 20 краін свету, зазначыў:" Турызм, акрамя таго, што дае жыццёвы вопыт
і радасць, мае яшчэ адзін - гуманітарны памер, які можна тэалагічна асэнсоўваць...Ён
ёсць полем эвангельскае місіі . Дык ад гэтага паходзіць прапанова з боку Царквы дадаваць
свой уклад у дзейнасць тых дзяржаўных структур, якія займаюцца турызмам." Монсіньёр
Маркетто далей выказаў прысутным сваё перакананне, што пастырства ў асяродку турызму
ёсць складоваю часткаю агульнацаркоўнага дзеяння, звернутага не толькі да тых, якія
падарожнічаюць, але і да шматлікіх працаўнікоў гэтага сэктару эканомікі. Сабраныя
ў Рыме біскупы і дырэктары турбюро ад нацыянальных канферэнцый будуць слухаць лекцыі
і наведваць святыя месцы. Арганізатары сустрэчы заклікалі іх намагацца па-сучаснаму
пашыраць турызм для хрысціянаў і усіх людзей, каб вольны час нёс духоўнае ўзрастанне:
агульначалавечае і рэлігійнае , ды дапамагаў творчасці і ўмацаванню сям'і