Skandali i shitjes së territorit Greqisë nga Shqipëria
(29.4.2009 RV)Skandali i shitjes së territorit Greqisë nga Shqipëria: reagon
Ministria e Punëve të Jashtme e Shqipërisë duke mohuar që të ketë ndryshime në kufijtë
mes Greqisë e Shqipërisë, por pa deklaruar shifër sesa km është distanca detare.
Deputetët e Parlamentit shqiptar i kërkojnë kryeministrit Berisha të bëjë transparente
marrëveshjen Shqipëri- Greqi për kufijtë detarë. Disa organe shtypi botojnë ekskluzivisht
se me nënshkrimin e marrëveshjes së delimitimit qeveria e Tiranës i dhuron Greqisë
rreth 225 km2 sipërfaqe ujore dhe grekët afrohen 11 kilometra drejt Karaburunit.
(29.4.2009
RV)Në vitet e ardhshme Shqipëria mund të shndërrohet në një surprizë të Ballkanit.
Kështu tha Komisioneri evropian i zgjerimit Oli Ren, i cili e mori në mbrojte kandidaturën
e Shqipërisë gjatë një simpoziumi mbajtur në Berlin me rastin e pesëvjetorit të raundit
të parë të zgjerimit të BE së. Ren tha se Shqipëria ka të drejtë të shtrojë kërkesën
për anëtarësim e shtoi se "gjatë këtyre viteve Shqipëria ka bërë përparime në rrugën
e reformave si dhe në luftimin e korrupsionit e të krimit të organizuar”. Deri diku
ka vuajtur nga imazhi i keq i së kaluarës", ka thënë komisioneri Ren, duke shtuar
se "është e mundshme që në dhjetë vitet e ardhshme Shqipëria të shndërrohet në një
surprizë të Ballkanit Perëndimor. Me titullin "Mirësevjen Shqipëri," gazeta
londineze "Fajnenshëll tajms" ("The Financial Times") në një editorial të saj shkruan
në lidhje me aplikimin e Shqipërisë për statusin e vendit kandidat për anëtarësim
në Bashkimin Evropian. Ndërsa BE ja është e goditur nga kriza ekonomike, pohon
Fajnenshëll tajms, debatet rreth kushtetutës dhe shqetësimet për marrëdhëniet me Rusinë,
do të jetë lehtë që udhëheqësve të saj t'u shpëtojë nga vëmendja kërkesa zyrtare për
anëtarësim në BE e bërë nga Shqipëria e vogël. Sipas gazetës, zgjerimi i Bashkimit
Evropian drejt lindjes është suksesi i tij më i madh, dhe ky duhet të pasurohet me
përqafimin e shteteve të brishta të Ballkanit perëndimorë, përfshirë dhe Shqipërinë.