У нядзелю 26-га красавіка ў часе Сьвятой Імшы, адслужанай на Плошчы Сьвятога Пятра,
Папа Бэнэдыкт 16 кананізаваў 5-х Бласлаўлёных Каталіцкага Касьцёла. Новыя сьвятыя
гэта: 1) айцец Тадіні, жыў у гадах 1846-1912, італьянец з дыяцэзыі Брэша, заснавальнік
Законніц Работніц Сьвятога Дому з Назарэт. 2) айцец Толомэі, жыў у гадах (1272-
1348) італьянец, заснавальнік бэнэдыктынаў алівэтанаў 3) брат Нонюш ад Маці Божай
Альварэс Пэрэйра, жыў у гадах 1360-1431, партугальскі нацыянальны герой, кармэліт. 4)
законніца Гэртруда Комэнсолі, жыла ў гадах 1847-1903, італьянка, заснавальніца Абажальніц
Найсьвятога Сакратамту Ды 5) законніца Вольпічэльлі, жыла ў гадах 1839-1894, італьянска,
заснавальніца Зграмаджаньня Служэбніц Найсьвятога Сэрца Ісусавага. Харызмы новых
Сьвятых ажыцьцяўляліся ў розных галінах, аднак усе яны чэрпалі сілы з Эўхарыстыі-
падкрэсьліў у сваім казаньні Папа. Касьцёл асабліва ў вялікодным пэрыядзе паказвае
сапраўдную прысутнасьць Хрыста ў Сакраманце Яго Крыві і Цела. Гэта ўпрывілеяванае
месца абьяднаньня з Богам, ад якога чалавек атрымлівае прабачэньне і жыцьцё. “Эўхарыстыя
ёсьць жывою і адвечнаю спадчынаю пакінутаю Хрыстом, якую трэба паглыбляць, каб магла
зрабіць на нас сваю нязглыбленую пасьпяховасьць”- сказаў Бэнэдыкт 16. Далей ў
сваім казаньні Сьвяцейшы Айцец гаварыў аб паасобных новых Сьвятых, падкрэсьліваючы
іхнія заслугі для Каталіцкага Касьцёла і ўсяго чалавецтва. На заканчэньне казаньня
Папа паклікаў прысутных вернікаў, каб падзякавалі Богу за дар сьвятасьці, “які ясьнее
ў Касьцёле з асабліваю прыгажосьцю ў новых Сьвятых: ў Тадінім, ў Бэрнардзе Толомэім,
Нонюшу ад Сьвятой Марыі, Гэртрудзе Комэнсолі ды Кацярыне Вольпічэльлі”. Дазволім
сябе аддацца іхняму прыкладу, вясьціся іхмімі навучаньнямі, каб і нашае жыцьцё сталася
кандаком, які выхваляе Бога, сьледам Ісуса, абажанага ў таямніцы Эўхарыстыі, Якому
служым вялікадушна ў нашым бліжнім. Хай выпрасіць нам ажыцьцяўленьне гэтае эвангэльскае
місіі Марыя, Каралева Сьвятых ды гэтых пяцёра сьветлых прыкладаў сьвятасьці, якіх
сёньня абажаем з радасьцю”- сказаў на заканчэньне Папа.