Багародзічная малітва вялікоднага пэрыяду "Каралева Неба" ў нядзелю 26-га красавіка
У часе гэтае малітвы Сьвяцейшы Айцец падзякаваў усім удзельнікам нядзельных урачыстасьцей,
асабліва пілігрымам, якія прыбылі з многіх частак Італіі, і пажадаў, каб “гэтая пілігрымка,
перажываная пад знакам сьвятасьці і ўзмацаваная ласкаю Году Сьвятога Паўла, магла
дапамагчы кожнаму “ісьці” з большаю радасьцю і энтузыязмам да канчатковае мэты, да
“ўзнагароды”, да якой Бог узывае ў Хрысьце Ісусе”. Далей Папа прыпомніў таксама
аб ушаноўваным у Італіі дні Каталіцкага Унівэрсытэту “Сакро Куорэ”. Жадаю, сказаў
Сьвяцейшы Айцец, каб пасьля 50-т гадоў ад смерці заснавальніка гэтага унівэрсытэту
айца Агостіно Джэмэльлі, Унівэрсытэт быў заўсёды верны сваім прынцыпам, якія яго стваралі,
каб надалей ахвяроўваў маладым пакаленьням вартасную фармацыю”- сказаў Папа. На заканчэньне
сустрэчы Бэнэдыкт 16 прывітаў вернікаў у некалькіх мовах.