Պենետիկտոս ԺԶ Քահանայապետը յառաջիկայ ապրիլ 26-ին Ս. պատարագի ընթացքին հինգ նոր սուրբեր պիտի հռչակէ։

Յառաջիկայ կիրակի՝ 26 ապրիլ 2009-ին, Պենետիկտոս ԺԶ Քահանայապետը Ս. Պետրոս հրապարակի վրայ սրբադասման պատարագ պիտի մատուցէ, որուն ընթացքին սուրբ պիտի հռչակէ հինգ երանելիներ անոնցմէ չորսը՝ իտալացի են, եւ մէկը՝ փորթուկալցի։

Երանելի Arcangelo Tadini (1846 - 1912 ) ծնած է Իտալիոյ Պրեշիա քաղաքի Վերոլամուովա գիւղին մէջ։ Կուսակրօն քահանայ ձեռնադրուած է 1870ին եւ 1900ին հիմնած՝ իգական կրօնաւորական միաբանութիւնը, օգնութեան հասնելու պարմանուհիներու դաստիարակութեան։ Երանելի հռչակուած է երջանկայիշատակ Յովհաննէս Պօղոս Բ.ի կողմէ 3 Հոկտեմբեր 1999ին

Երանելի Bernardo Tolomei (1272 - 1348) ծնած է Սիեննա քաղաքը։ Վանական կեանքը ընդգրկած եւ եւ ապա նշանակուած է աբբահայր եւ մէկ ապրիլ 1319-ին հիմնած է ՜՜Սրբուհի Մարիամ՝՝ անուան կրօնաւորական միաբանութիւնը։ Մեծ համաճարակի տարին 1348ին՝ հայր Պերնարտօ աբբայարանի իր պաշտօնը կը թողու օգնութեան հասնելու համար հիւանդներուն, եւ այս պատճառաւ ինք եւս իր կարգին ժանտախտէ կը վարակուի եւ կը մեռնի։ Իր մահէն ետք՝ ան բազմաթիւ հրաշքներ կատարած է։ Երանելի հռչակուած է Ուրբանոս 8-րդ Քահանայապետի կողմէ 1634ին։

Երանելի Nuno De Santa Maria Álvares Pereira (1360 - 1431) Փորթուկլացի էր, ան 27 տարեկանին կրօնաւորական կեանքը ընդգրկած է։ 1389ին հիմնած է ՜՜Կարմեղեան՝՝ միաբանութիւնը։ Վախճանած է 1 ապրիլ 1431ին։ Երանելի հռչակուած՝ Պենետիկտոս ԺԵ. Քահանայապետի կողմէ 23 յունուար 1918ին։

Երանուհի Geltrude Comensoli (1847 - 1903), Կոյս եւ հիմնադիրը իգական միաբանութեան։

Երանուհի Caterina Volpicelli (1839 - 1894 )։ Ծնած է Նափոլի քաղաքը, դուստրը ազնուական ընտանիքի ու մասնագէտ գրականութեան, լեզուներու եւ երաժշտութեան։ 1874ին հիմնած է ՜՜ Յիսուսի Ս. Սրտի՝ իգական միաբանութիւնը՝՝ որուն նպատակն է դաստիարակել նոր սերունդը։ Երջանկայիշատակ ՅՊԲ Պապը զինք Երանուհի հռչակած էր 29 ապրիլ 2001ին։

Նշենք թէ՝ Պենետիկտոս ԺԶ. Սրբզ. Պապը իր Քահայանապետութեան չորս տարիներուն ընթացքին, հռչակեց 23 սուրբեր։ Սակայն առանց նախագահելու երանացման ծիսակատարութիւնները, որոնք տեղի կ'ունենան, յաճախ, նոր երանելիներու թեմերուն մէջ։

Յայտնենք նաեւ որ յառաջիկայ սրբադասման երկրորդ ծիսակատարութիւնը տեղի պիտի ունենայ 11 հոկտեմբերին։ Այս առթիւ Նորին Սրբութիւնը խորաններու պատուոյն պիտի բարձրացնէ չորս երանելիներ` լեհ մը, պելկիացի մը եւ երկու սպանացիներ, ինչպէս նաեւ՝ ֆրանսացի Ժանն Ժիւկան Սրբուհի պիտի հռչակէ ։ ֆրանսացի Սրբուհին եղած է հիմնադիրը՝ (1842ին) ՜՜Աղքատներու Աղախիններու՝՝ իգական միաբանութեան։ Երանուհի հչակուած էր, Երջ. Յովհաննէս Պօղոս Բ Քահանայապետի կողմէ 1982ին։

Քահանայապետական նշանակում

Պենետիկտոս ԺԶ Քահանայապետը Չորեքշաբթի 22 ապրիլ 2009-ին անուանեց զուեցերացի տոմենիքեան հայր Շարլ Մորերօն՝ ընդհանուր քարտուղար աստուածաբանութեան միջազգային յանձնախումբին եւ միաժամանակ խորհրդատու հաւատոյ ժողովի մօտ։ 47-ամեայ Վարդապետական աստուածաբանութեան այս փրոֆեսորը, ներկայիս ռեկթէօրն է Հռոմի՝ ՜՜Անճելիքում՝՝ քահանայապետական համալսարանի փիլիսոփայութեան մասնաճիւղին։