ВАТЫКАН. Працягваюцца святкаванні 800-годдзя вялікай сям'і Ордэнаў святога Францішка
Асізскага. Кульмінацыяй сталася спецыяльная аўдыенцыя Папы для прадстаўнікоў 4-х
францішканскіх ордэнаў .
Найперш Папа Бенедыкт 16 аддаў даніну заснавальніку ордэна - святому Францыску Асізскаму.
Ён адразу ж аддаў свой лёс і лёс тых, хто пайшоў за ім, у рукі Папу Рымскаму, Інакенцію
3-му. " У тае эпосе фармаваліся многія хрысціянскія рухі і групы, некаторыя адразу
супрацьставілі сабе Царкве як установе ці папросту не шукалі царкоўнага адабрэння..",-
сказаў Папа Бенедыкт 16 праз 8 стагоддзяў, што прамінулі з тых часоў. "Маленькае
"мы", якое ён распачаў са сваімі братамі - працягваў Свяцейшы Айцец, - адпачатку
было ўспрынятае (імі) ўнутры вялікага "мы" адзінай сусветнай Царквы." Далей сучасным
членам Францішканскіх супольнасцей Пятровы наступнік прыпомніў, што жыццёвасць харызмы
мае патрэбу ў пастаянным нановым адкрыцці на яе. Папа прыклікаў кожнага брата і сястру
Францішканскае сям'і заўсёды захоўваць у душы, на ўзор Нябеснага ахоўніка, сузіральны,
просты і радасны дух. "Будзьце заўсёды сведкамі Боскае прыгажосці, - усклікнуў Бенедыкт
16,- якую Францішак апеў у сваім гімне." Кранаючы тэму Статуту Ордэна, складзеным
самім Святым Францішкам Асізскім і які стаўся тэмаю прайшоўшага ў гэтыя дні Капітулу
ў горадзе Асізі, Папа зазначыў, што стрыжнем яго з'яўляецца Эвангелле як правіла
жыцця. Францішак сузіраў сабе і братоў у святле Эвангелля. У гэтым ягоная неўміручая
прыцягальнасць і актуальнасць праз 800 год. Пад канец спецыяльнай аўдыенцыі - у прысутнасці
Папы - браты і сёстры Францішканскай супольнасці пацвердзілі свае манаскія шлюбы.