Ксёндз Ламбардзі: непрыкметнае багацьце гамілій і катэхзэзаў Бэнэдыкта 16
На непрыкметнае багацце навучання Бэнэдыкта XVI звяртае ўвагу кс. Фэдэрыко Ламбардзі.
Старшыня прэс-службы Апостальскай Сталіцы падводзіць вынікі 4-га года Пантыфікату
Святога Айца.
Італьянскі езуіт, між іншым, узгадаў сёлетні Сінод Біскупаў,
прысвечаны Божаму Слову, і адзначыў, што важным аспектам, які, аднак, не кідаецца
ў вочы, бо «не звязаны з важнай падзеяй, але ўласцівы прыродзе папскага служэння,
з’яўляецца яго звычайнае навучэнне ў гаміліях і катэхезах». «Гэта адна з найбольш
незвычайных харызмаў папы Бэнэдыкта XVI, бо гаворка ідзе пра надзвычай багатыя прамовы,
гаміліі, катэхезы, якія на доўгі час могуць застацца спадчынай хрысціянскага народа,
каб выхоўваць яго на культурным, тэалагічным і духоўным узроўнях», — лічыць кардынал
Фэдэрыко Ламбардзі.
«Я жадаю яму, — працягваў кардынал, — яшчэ доўга несці
сваё служэнне, якое з’яўляецца глыбокім служэннем дапамогі сучасным мужчынам і жанчынам
у сустрэчы з Богам. Выразна бачна, што гэта з’яўляецца галоўным яго клопатам: прывесці
людзей да Бога і Бога да людзей праз вялікую асабістую любоў да Хрыста».