"Езус аддаецца Страсцям мукаў дзеля натоўпу людзскога, але ж на прысуд натоўпу!"
- такія словы вымавіў у гэтыя Пасхальныя дні лацінскі Патрыярх Ерусаліму Фуад Тваль,
выкрываючы непастаянства чалавечае.
Гаворачы пра захапленне і ўслаўленне натоўпам Езуса ў Пальмавую нядзелю, калі ўехаў
у Ерусалім на асляняці, Патрыярх у адпаведнасці з эвангельскім развіццём падзей прыпамінае
ўсім нам аб тым, што натоўп спачатку ўслаўляе ажно занадта, а потым абвінавачвае таксама
занадта. У чаканні візіта Папы Бенедыкта 16 ў Святую зямлю, Патрыярх указвае на
страсны Тыдзень як на перыяд, які выяўляе найбольш яскрава чалавечае бяздумства
і схільнасць да так званага "псіхозу натоўпу", вар'яцтва ажно да забойства. "Вядомае
непастаянства натоўпу, - кажа лацінскі Патрыярх Ерусаліму. - Аднак Езус усё роўна
ўваходзіць у Ерусалім: без зброі і войска, без узвядзення сцяны падзялення. Дык Ён
нас запрашае следаваць за ім і мець смеласць, нягледзячы ні на што, уваходзіць у горад
і ў грамадства, каб яднаць яго. Хрыстос Уваскрос. Дык і прыгода чалавечае гісторыі
можа працягвацца. Усё абнаўляецца для нас, для нашае Царквы і нашай краіны!" - аптымістычна
заклікае Патрыярх Фуад Твал.