Nesër Benedikti XVI mbush 82 vjet: “Për shumë vjet ditëlindjen!”.
(15.04.2009 RV)Sot, një numër i
madh besimtarësh, të pranishëm në audiencën e përgjithshme,, shprehën dëshirën ta
uronin Benediktin XVI për 82-vjetorin e ditëlindjes. Me mikrofonin tonë, në Sheshin
e Shën Pjetrit, regjistruam disa prej urimeve të tyre:
Përgjigje:
Joyeaux anniversaire … Gëzuar ditëlindjen! Mbi të gjitha, një falënderim
të përzemërt Atit të Shenjtë për Vitin meshtarak, që do të kremtohet me rastin e 150-
vjetorit të vdekjes së famullitarit të Arsit, shën Gjon Vianeit e që ne po përgatitemi
ta jetojmë si meshtarë të vërtetë, ashtu si dëshiron Papa: meshtarë të kënaqur, të
gëzueshëm e, sidomos, meshtarë që dinë t’ua çojnë Krishtin të tjerëve. Urimi më i
mirë është vijimi i ecjes në këtë rrugë, duke i uruar edhe jetë të gjatë Papës, për
shërbimin e tij e apostullimin e tij mes nesh.
Përgjigje: - Dëshiroj
t’i bëj një urim të përzemërt për ditëlindje: na shoqëroftë sa më gjatë në këtë veprimtari
të madhe. Dua të theksoj se është njeri shumë i ndritshëm, që flet me zemër të hapur
e di të komunikojë mrekullisht mirë edhe me të rinjtë.
Në kor: Herzlichen
Glückwunsch zum Geburtstag, Papst Benedikt!
Pyetje:
- Ç’ urim dëshironi t’i bëni?
Përgjigje: - Po
i jep shumë Kishës; një reflektim brenda saj, por jo i mbyllur në vetvete. Papa po
vë në dukje gjithë traditën e Etërve të Kishës e posaçërisht, po nxit dialogun me
botën, e cila e ka humbur sadopak lidhjen me Zotin. Uroj, prandaj t’i risjellë botës
kuptimin e Zotit, pa u mbyllur në vetvete.
Përgjigje: - Sigurisht, që
vitet e ardhshme të jenë shumë të bukura, si ato të shkuarat, posaçërisht që prania
e tij të jetë e gjatë e ashtu siç është sot”.
Përgjigje: - Mbi të gjitha
një urim Papës për 82- vjetorin e tij nga ana Busto Arsicios, Papa është një shembull,
që meriton të ndiqet nga të gjithë të rinjtë, gjë që e tregojnë dy DBR-së, të cilat
i shërbyen mbarë botës. Dëshiroj ta falënderoj Papën për gjithë sa bën për ne e t’i
bëj një urim të sinqertë.