Սուրբ Յարութեան տօնը Մայր Աթոռ Սբ. Էջմիածին։ Գարեգին Բ. վեհափառին պատգամը Ս. Յարութեան տօնին առիթով։

Սուրբ Յարութեան տօնը Մայր Աթոռ Սբ. Էջմիածին։ Գարեգին Բ. վեհափառին պատգամը Ս. Յարութեան տօնին առիթով։

Ապրիլի 12-ին Մայր Աթոռ Սուրբ Էջմիածնի մէջ մեծ հանդիսաւորութեամբ տօնախմբուեց մեր Տէր և Փրկիչ Յիսուս Քրիստոսի հրաշափառ Յարությունը։

Ժամը 10.30-ին Մայր Տաճարի զանգերու հոգեպարար ղողանջներու ներքեւ Վեհարանէն շարժուեցաւ խաչերով ու խաչվառներով պսակուած թափորը` Գարեին Բ. Ամենայն Հայոց Կաթողիկոսին և ՀՀ Նախագահ Սերժ Սարգսեանին ամպհովանիով առաջնորդելով դեպի Սուրբ Տաճար։

Փրկչի Յարութեան տօնի առիթով Նորին Սրբութիւնը Հայրապետական իր պատգամը յղեց համայն հայ ժողովրդին։

Սիրելի բարեպաշտ ժողովուրդ,

Մեր եկեղեցիներու խորաններէն այսօր կը տրուի մեզի մեր Տիրոջ և Փրկչի հրաշափառ Սուրբ Յարութեան աւետիսը։ Հաւատաւոր մեր հոգիներուն վերստին կը հնչուի մարդկութեան փրկութեան շնորհքի անզուական լուրը, թէ՝ մեր Տէրը՝ Քրիստոս, հաշտեցուց մեզ Աստուծոյ հետ Իր մարմնով և Իր մահուամբ, որպէսզի ներկայացնէ մեզ Անոր առջեւ սուրբ, անբիծ և անարատ, եթէ ամուր ու անսասան մնանք հաւատքի մէջ և անխախտ յոյսի մէջ Աւետարանի, որ լսեցինք, և որ քարոզուեցաւ երկնքի տակ բոլոր արարածներուն։

Սիրելի բարեպաշտ ժողովուրդ, այսօր և միշտ Յարուցեալ Քրիստոս մարդոց հետ է, նորոգելու համար կեանքը ու վերափոխելու աշխարհը։ Յարուցեալ Քրիստոս մարդոց հետ է, հաստատելու աստուածսիրութեան և մարդասիրութեան ընթացքներու մէջ, որպէսզի մերժուին սուտը, անարդարը, նախանձն ու ատելութիւնը, վերանան արհաւիրքն ու պատերազմը, ցաւը, հոգսը եւ կարիքը, ու Աստուծոյ շնորհն ու ողորմութիւնը մարդկային կեանքի մէջ առատանան այնպէս, ինչպէս երկիրը կը ստանայ երկինքէն լոյս, ցող ու անձրև և կը կանաչնայ, կը ծաղկի ու կը պտղաբերի։ Գալիքի յոյսը Աստուած է` մեր Տէրը Յիսուս Քրիստոս, Ով պարգևում է մարդկանց զօրութիւնը յարուցեալ կեանքով ապրելու, միշտ դէպի բարին ընթանալու, դէպի խաղաղ, բարօր, ապահով ու արդար աշխարհ։

Ապա Վեհափառը Զատկական իր բարեմաղթութիւնները յայտնեց հայ եկեղեցւոյ բոլոր առաջնորդներուն ու Հայաստանի պետութեան ներկայացուցիչներուն։

Ան իր պատգամը եզրափակեց հայրական խօսք մը ուղղելով սփիւռքահայութեան։

Փրկչի Յարութեան հոգենորոգ այս օրը, սիրելի բարեպաշտ ժողովուրդ ի սփիւռս աշխարհի, միասնական մեր աղօթքը բարձրացնենք երկինք, որ Տիրոջ պարգևած փրկութեան հաւատքն ու յոյսը բոլոր մարդկանց հետ ըլլան, մխիթարեն նեղութիւններու մէջ, զօրացնեն դժուարութիւններու մէջ ու պահպանեն հաստատուն աստուածասէր ճանապարհներուն։ Թող Տէրն օրհնէ մեր ժողովրդին՝ ընթանալու դէպի խաղաղ ու բարեբեր հանգրուաններ` օրհնութեամբ, շնորքհով ու ողորմութեամբ լեցուն։ Ամուր ու անսասան մնանք հաւատքի մէջ և անխախտ յոյսի մէջ Աւետարանի, որպէսզի Յարուցեալ մեր Տէրը` Փրկիչ, ներկայացնէ մեզ Բարձրեալ մեր Հօր առաջ ՝ ՜՜անբիծ ու անարատ՝՝ Աստծուն յուսացեալ բոլոր հոգիներու հետ։

Փառք ամենազօր Յարութեան Քո, Տէր, այսօր և յաւիտեան ամէն։

Քրիստոս յարեաւ ի մեռելոց / Օրհնեալ է Յարութիւն Քրիստոսի