Пякін. У гэты пасхальны перыяд выказаць сваю блізкасць да найбольш абяздоленых прыйшлі
ў лепразорый Тай Ан да хворых праказай каталіцкія вернікі Кітаю.
Гэта толькі адзін прыклад з соцень ініцыятыў міласэрднасці, якімі кітайскія вернікі
спраўджваюць запавет любові, пакінуты Ўкрыжаваным Хрыстом. Гэты перыяд кварэзімы -
чатырохдзясятніцы Вялікага посту перажываецца маладой кітайскай Царквой вельмі напружана.
Большасць католікаў натхнёна ўдзельнічаюць у духоўных практыкаваннях. У Шанхаі, напрыклад,
у касцёле святога Язэпа 220 вернікаў сустракаюцца на духоўных практыкаваннях, прысвечаных
10 Божым прыказанням. Асабліва актыўна ўдзельнічаюць юнакі і дзяўчаты. Моладзь парафіі
Ксяо Шы Хе ажыццяўляе штодзённае пакланенне Святым дарам, суправаджанае чытаннем Святога
Пісання і тлумачэннем святых тэкстаў святарамі. "Ты Сын Мой ўзлюблены, у Табе Маё
дабрадзеянне" - гэтыя эвангельскія радкі сталіся пунктам разважання маладога святара
парафіі святога Францішка з дыяцэзіі Ганконга айца Джозэфа Лунга. Ксёндз Джозеф заклікае
маладых быць фанатамі Хрыста, а не рок-зорак ці іншых артыстаў. У Тай Вані многія
вернікі парафіі Чіа Йі ўдзельнічаюць у практыкаваннях на тэму "Прага Крыжа", дзе вучацца
разумець сэнс пакуты ў духоўным узрастанні.