Liturgjia e Fjalës së Zotit të Dielës së Larit 'B'
(04.04.09 RV)Dëgjues të nderuar ja
përsëri në takimin tonë javor të shtunës me Fjalën e Zotit të së dielës. Kësaj herët
do të ndalemi tek Liturgjia e Fjalës së Zotit e Dielës së Larit apo e Dielës së Luleve,
me të cilën Kisha e fillon Javën e madhe dhe të Shenjtë të Pashkëve. Siç thamë
më parë, me liturgjinë e kësaj së diele, e cila përkujton hyrjen solemne të Birit
të Zotit, Jezu Krishtit në Jerusalem dhe historikun e mundimeve të Tija, Kisha, dëgjues
të nderuar, na thërret të hyjmë në Javën e madhe të shenjtë të Pashkëve, do të thotë
në kremtimin e mistereve themelore të fesë së krishterë: të mundimeve, vdekjes mbi
kryq dhe ngjalljes së Jezu Krishtit, Shpëtimtarit të njerëzimit. Kështu pra, Liturgjia
e Fjalës së Zotit e kësaj së diele na propozon dy ngjarje ngushtë të lidhura njëra
me tjetrën: hyrjen e Jezusit në Jerusalem dhe mundimet e Tij. Pra kemi dy pjesë: ritin
e bekimit të degëve të ullive apo të degëve të pemëve të lulëzuara, para Meshës, procesionin
e besimtarëve me degë ullinjsh të bekuar dhe pjesën e dytë Meshën, gjatë së cilës
tregohet historia e mundimeve të Jezus Krishtit. Të ndjekësh Jezu Krishtit do të
thotë të jesh më Të në momente të lavdishme e në momente të vuajtshme. Drama e Mundimeve
na sjell të shohim Birin e Zotit për ne të përbuzur, të shpotitur, të varur mbi një
kryq ku vdes për ne. Jezusi Zot besnik ndaj planit e vullnetit të Atit e besnik ndaj
dashurisë për njerëzimin mbarë. Jezusi Zot që ka marrë mbi vete braktisjen ekstreme
në duar të Atit për të liruar njeriun nga mëkati e për t’ia kthyer edhe një herë gëzimin
e bashkimit me Zotin. Nga liturgjia hyjnore e dielës së larit, do t’i bartim degët
e palmave e të ullijve me vete në shtëpitë tona, shenja kontradikte (kundërshtie).
Këto degë na kujton hosanën, por edhe kurorën e martirëve; na sjellin paqen pas përmbytjes,
por edhe djersen prej gjakut në kopsht të ullijve, derisa më besnikët i zë gjumi e
tradhtari përgatitet për ta puthur Mësuesin Hyjnor. Duhet të kujtojmë se të krishterë
nuk na bëjnë ritet fetare, por pjesëmarrja në vuajtjen e Zotit në jetën tokësore. E
tani dëgjues të nderuar, ta dëgjojmë komentin e pjesës ungjillore që na përkujton
hyrjen e Jezusit në Jerusalem dhe mundimet e Tij,pastaj komentin e liturgjisë së dielës
së Larit do ta dëgjojmë nga dom Mark Shtjefni. Ketu mund te dëgjoni liturgjine
e dieles se Larit….