Vdesin dy të reja angoleze, para fillimi të takimit me Papën, i cili shpreh dhimbjen
e tij të thellë
(22.03.2009 RV)Dje pasdite mijëra të rinj shkëmbyen përqafimin me Benediktin
XVI në Stadiumin luandez dos Kokueiros. Në një atmosferë emocioni të fuqishëm Ati
i Shenjtë rikujtoi fjalët e Krishtit: “Ju jeni fara e hedhur në tokë nga Zoti; ju
jeni e ardhmja!”.Fatkeqësisht, për shkak të turmës vigane që shtyhej në hyrjen e stadiumit
të Luandës, humbën jetën dy të reja, 40 të rinj u plagosën. Autoritetet angoleze
nuk dhanë asnjë njoftim për këtë ngjarje të hidhur deri në mbrëmje vonë. Nuk u vunë
në dijeni as Benedikti XVI e as delegacioni vatikanas. Njoftimet e para u morën vetëm
në mbrëmje vonë. E Papa – sipas pohimit të drejtorit të Sallës vatikanase të Shtypit,
atë Federiko Lombardi – shprehu dhimbjen e tij të thellë për vdekjen e dy të rinjve.