Сустрэча з прадстаўнікамі музульманскае супольнасьці
Гэты дзень, значыць 19-га сакавіка, пачаў Папа а гадзіне 8.45 ад сустрэчы з прадстаўнікамі
музульманскае супольнасьці, якая адбылася ў Апостальскай Нунцыятуры ў Яўндэ. У Камэруне
хрысьціяне становяць 42-а працэнты ўсяго насельніцтва, якога больш за 18-ць мільёнаў.
Ёсьць каля 22-х працэнтаў пасьлядоўнікаў іслама. Сваю прамову Сьвяцейшы Айцец
прысьвяціў значэньню рэлігіі ў разуменьні культуры і сьвету ды ў будаваньні мірнага
суіснаваньня ўсіх народаў. З вялікім прызнаньнем гаварыў аб Камэрунскім Таварыстве
ў карысьць Міжрэлігійнага Дыялогу, якое паказвае, як вельмі такі дыялог пабольшвае
ўзаемнае зразуменьне і прычыняецца да пабудовы трывалага і справядлівага палітычнага
ладу. Папа прыпомніў, што Камэрун ёсьць месцам прыстанішча для тысячаў хрысьціян
і музульманаў, якія “не толькі падтрымліваюць поўнае разьвіцьцё чалавечае асобы, але
таксама падтрымліваюць вузы салідарнасьці са сваімі бліжнімі і дзейнічаюць у карысьць
супольнага дабра. Сапраўдная рэлігія пашырае гарызонты чалавечага разуменьня і стаецца
асноваю кожнае сапраўднае чалавечае культуры. Яна адкідае ўсялякага роду формы насільля
і таталітарызму. Бэнэдыкт 16 заахвоціў “другіх прыяцеляў” музульманаў рабіць усё,
“каб у грамадзтва пранікалі тыя вартасьці, якія павышаюць чалавечую культуру” і каб
“узывалі іншыя асобы да дзеяньня ў будаваньні цывілізацыі любові. “Каб супрацоўніцтва
паміж музульманамі, католькамі ды іншымі хрысьціянамі ў Камэруне, магло быць для іншых
афрыканскаіх краін прыкладам вялікага патэнцыялу міжрэлігійнага заангажаваньня ў карысьць
міру, справядлівасьці і супольнага дабра”- завершыў сваю прамову Папа да музульманаў.