Мілан. Імам мячэці гэтага італьянскага гораду і віцэ-прэзідэнт ісламскай рэлігійнай
грамады Італіі Яхія Палавічіні падкрэсліў важнасць апостальскага візіту Папы ў Святую
Зямлю.
"Вандроўка асаблівай сымбалічнай важнасці для яўрэяў, хрысціянаў і мусульманаў з
высокай выявай братэрства і сведчання міра",- зазначыў італьянскі імам наконт майскай
пілігрымкі Бенедыкта 16. Спадар Палавічіні - ісламскі лідар, адзін са 138 мудрых
, што летасць у Ватыкане удзельнічалі ў першым католіка-мусульманскім Форуме. Што
тычыцца запраграмаванай сустрэчы Папы з Вялікім Муфты Ерусаліма і візіту ў мячэць
Аль Ахза, міланскі імам кажа журналістам:" Гэта будзе асабліва сімбалічным момантам
не толькі для мусульманаў, але таксама для яўрэяў, хрысціянаў і-мусульманаў як рэлігійнай
агульнасці. Пляцоўка дзвюх мячэцей знаходзіцца якраз над Саламонавым храмам і звернутая
да Сцяны плачу - адзінага фрагменту, што застаўся ад велічнай сінагогі. Тут моляцца
яўрэі. Дык Папа - значыцца, найбольш аўтарытэтны кіраўнік каталіцкага хрысціянства,
будзе знаходзіцца ў прасторы сімбалічнага братэрства трох рэлігій, запачаткаваных
ад Абрама, якое, дзякуючы Ягонай прысутнасці, яшчэ пабольшыцца."