Ерусалім: тут была прадстаўлена праграма візыту Папы у Сьвятую Зямлю
“Бэнэдыкт 16 прыбудзе да Сьвятой Зямлі як пастыр Касьцёла, а не як галава Ватыканскае
Дзяржавы”- прыпомніў Апостальскі Нунцый ў Ізраілі арцыбіскуп Антоніё Франко. Папа
сустрэнецца таксама з прадстаўнікамі палітычнага жыцьця, але гэта будзе мець характар
візытаў ветлівасьці. Прысутныя журналісты пазнаёміліся з толькі з ізраільскім і палестынскім
этапам падарожжа Папы, якое пачнецца 11-га мая пасьля заканчэньня візыту ў Ярданіі,
на лётнішчы Бэн Гур’ёна, якое ляжыць недалёк Тэль Авіву. Сьвяцейшы Айцец правядзе
два першыя дні ( 11-12 мая) ў Ерусаліме, 13-га мая наведае Бэтлеем, а 14-га Назарэт.
Затым вернеецца ў Ерусалім і 15-га мая вернецца ў Рым. Арцыбіскуп Франко падкрэсьліў,
што афіцыяльная праграма не ёсьць яшчэ гатоваю і пэўныя падрабязнасьці будуць яшчэ
нанесеныя. Найважнейшымі здарэньнямі будуць тры Сьвятыя Імшы: ў Ерусаліме 12-га мая
пры Базыліцы Конанія, ў якой арганізатары спадзяюцца ўдзельнічаньня каля 5-ці тысяч
вернікаў; у Бэтлееме 13-га мая на Плошчы Ясьляў ды у Назарэце 14-га мая на ўзгорку
званым Абрывам. Арганізатары спадзяюцца, што менавіта ў гэтай апошняй Сьвятой Імшы
будзе найбольш вернікаў: каля 50-ці тысяч мясцовых і некалькі тысяч пілігрымаў. Апостальскі
Нунцый зьвярнуў пры гэтым увагу, што Літургія ў Назарэце зыходзіцца з заканчэньнем
Году Сям’і, які зарганізаваў Каталіцкі Касьцёл Сьвятой Зямлі. Як паінафармаваў
арцыбіскуп Франко ізраільскія ўлады запэўнілі, што вернікі з палестынскіх тэрыторыяў
атрымаюць дазвол на ўдзельнічаньне ў Сьвятых Імшах ў Ерусаліме і Назарэце. Сярод
іншых момантаў малітвы Папы вельмі важным будзе візыт у Вячэрніку і ў Базыліцы Гасподняга
Гробу. У Ерусаліме адбудуцца міжрэлігійныя сустрэчы з галоўнымі Рабінамі і з вялікім
Муфтім. Бэнэдыкт 16 будзе таксама ў Яд Вашэм, але наведае толькі тамашні мэмарыял
Галакаўсту, але не музэй- зьвярнуў увагу арцыбіскуп Франко. Як вядома ў музэі ў кантравэрсыйны
спосаб прадстаўлена ролю Папы Пія 12 ў часе Другой Сусьветнай Вайны. Аднак арцыбіскуп
Франко прыпомніў, што менавіта ў Яд Вашэн нядаўна заканчылася навуковая канфэрэнцыя
аб Папе Пачэльлім. Яна адбылася ў добрай атмасфэры, якая дазваляе на поступы у гэтым
пытаньні.