Агульная Аўдыенцыя Сьвяцейшага Айца ў сераду 11-га сакавіка

Адбылася яна на Плошчы Сьвятога Пятра. Прыбыло на яе многа вернікаў і паломнікаў з кожнага кутку сьвету.
У сваёй сёньняшняй катахэзе Сьвяцейшы Айцец працягваў свой цыкл пра вялікіх пісьменнікаў Царквы.

Сьвяты Баніфацы Апостал Германскіх Народаў, аб якім сёньня ідзе гаворка, нарадзіўся ў Англіі ў 675-м годзе. У часе хросту дадзена яму імя Вінфрыд. Атрымаў дакладную тэалагічную і гуманістычную адукацыю. У возрасьце 30-ці гадоў прыняў сьвятарскія сьвядчыны. Папа Рыгор ІІ – сказаў далей Бэнэдыкт 16- даручыў яму місію эвангэлізацыі язычнікаў. Пасьля біскупскіх сьвядчынаў і атрыманьня ад Папы пісьмаў да кіраўнікоў дзяржаваў, у якіх меў весьці сваю працу, быў вынятковым пастырам і місіянаром рэгіёнаў Галіі, Гэсіі, Турынгіі, Баварыі і тэрыторыяў на ўсход ад ракі Рэн.
Сьвяты Баніфацы стварыў многа новых біскупстваў—сказаў зноў Папа- ахоўваў фандацыі шматлікіх манастыроў, якія пазьней сталі цэнтрамі духоўнага жыцьця і рэлігійнае культуры. Склікаў многа Сынодаў, зьдзейсьніў рэформу духавенства і важных сфэраў жыцьця Царквы. Быў адданым супрацоўнікам чарговых Рымскіх Папаў: Рыгора ІІ, Захарыя і Сьцяпана ІІ.
Пад канец жыцьця- працягваў сваю катахэзу Сьвяцейшы Айцец- Баніфацы пасяліўся ў Магунцыі. У 753-м годзе ўзьняў зноў місійную працу сярод фрызаў, з рук якіх год пазьней загінуў мучаніцкаю сьмерцю.
Пакінуў па сабе багатую інтэлектуальную спадчыну: Пастырскія Лісты, Роздумы, казаньні і паэзію. Сьвяты Баніфацы быў пахаваны ў Фульдзе, якая сталася цэнтрам ягонага культу. Сваім жыцьцём і навучаньнем- сказаў на заканчэньне сваёй катахэзы Папа- Сьвяты Баніфацы прыпамінае нам таксама і сёньня аб патрэбе зьбераганьня Божага Слова, аб трываньні ў еднасьці з Наступнікамі Сьвятога Пятра і адкрытасьці на разнароднасьць культур паасобных народаў.
Затым Папа зрабіў заклік за мір у Паўночнай Ірландыі

З вялікім болем прыняў вестку аб забойстве двух маладых брытанскіх салдатаў і аднаго паліцыяна ў Паўночнай Ірландыі. Я выказваю маё глыбокае асуджэньне гэтых тэррарыстычных актаў, якія апрача таго што зьнішчылі чалавечае жыцьцё, ствараюць сур”ёзную небясьпеку палітычнаму працэсу, які цяпер пачаўся ў Паўночнай Ірландыі ды цяпер падвяргаюцца рызыцы усе гэтыя надзеі, якія ўзьніклі ў часе яго. Упрошваю Госпада таго, каб ніколі больш не перамагло насільле а ўзмоцніліся намаганьні ў карысьць пабудовы больш спакойнага, справядлівага і прыміранага грамадзтва цераз спакойны дыялог.
На заканчэньне аўдыенцыі Папа прывітаў ўсіх вернікаў, асабліва хворых, моладзь ды новыя шлюбныя пары надзяляючы на ўсіх сваё Апостальскае Блаславенства