Impenjimi i Kishës Katolike në luftën kundër glaukomës
(06.03.2009 RV)Kremtohet sot Dita Botërore e Glaukomës, me qëllimin që njerëzimi
ta njohë më mirë këtë sëmundje të syrit dhe strategjitë e parandalimit e të kurimit
të saj. Glaukoma është përgjegjëse për 12,3% të verbërisë në shkallë botërore, raste
që përqëndrohen kryesisht në jug të botës. Së paku 67 milion vetë vuajnë nga kjo patologji.
Në kuadrin e Kishës Katolike, veçanërisht e impenjuar në luftën kundër kësaj sëmundjeje
është organizata “Misionet e krishtera për të verbërit në botë”. Vetëm me 35 euro,
nënvizon sot organizata, mund të realizohet një operacion që e zgjidh problemin e
glaukomës.