(02.03.2009 RV)Rëndohet gjendja politike në Guinea Bisau, ku sot paradite u
vra nga ushtarakët presidenti Zhoao Bernardo Vieira. Vrasja u bë vetëm pak orë pas
atentatit, që shkaktoi vdekjen e kreut të shtatmadhorisë së vendit afrikan. Sipas
ushtrisë, presidenti ka qenë dërguesi i vrasjes së ushtarakut. Të dëgjojmë se ç’po
ndodh nga goja e atë David Shokos, drejtor i radios katolike kombëtare: “Situata
ishte kritike që më parë. Janë konflikte të vjetra, të trashëguara edhe nga lufta
civile e vitit 1998. E sigurtë është se kjo, edhe një herë, e bën më të brishtë demokracinë
në Guinea Bisau, pikërisht në ditën kur do të fillonin punimet e parlamentit të ri,
në kohën kur qeveria po merrte masa shumë pozitive për të përmirësuar ekonominë e
vendit”.