(01.3.2009 RV)Sot më 1 mars,
bie e diela e Parë e Kreshmëve e po sot kalendari kishtar përkujton edhe Shën
Feliçin, papë e Shën Albinin, ipeshkëv të Anzhés. Në liturgjinë e festës
së tyre jehon fuqimisht britma e njeriut mëkatar të penduar, drejtuar Zotit: “Dëgjoje,
o Zot, të varfrin që të lutet!”.
Nesër e hënëmë 2 mars, sipas
kalendarit kishtar bie Shën Angjela e Kryqit, virgjër. Liturgjia e ditës na
kujton uratën zhigjetore: “Na fal o Zot, e ne do të jetojmë”. Të
martën më 3 mars, kalendari kishtar përkujton Shën Kunegonden, bashkëshorte
e Enrikut II perandor. Liturgjia na kujton se vërtetë i lum është vetëm njeriu që
i qëndron besnik ligjit të Zotit. Të mërkurën më 4 mars,
kalendari kishtar përkujton Shën Kazimirin. Liturgjia na kujton se mbretëria
e Zotit realizohet në mënyra të ndryshme. Në se e humbasim, faji nuk është i Zotit,
por yni, që s’ ditëm ta fitojmë.
Të enjtenmë 5 mars, kalendari
do të përkujton Shën Lucjanin I Papë, Shën Adrianin martir e Shën Gjonin e kryqit,
meshtar françeskan. Liturgjia e ditës na kujtojnë se dashuria e mëshira shkojnë
krah për krah. Në se nuk e kuptojmë këtë, jo vetëm që nuk mund ta quajmë veten bij
të Hyjit, por rrezikohemi të meritojmë dënimin e përjetshëm. Prej këndej, të lutemi
me Psalmistin: “Na fal, o Zot, në mëshirën tënde!”. Të premten
që vjen, më 6 mars, perkujtohet Shën Roza nga Viterbo, virgjër françeskane
dhe Shën Koleta Boilčs, themeluese e klariseve të varfra. Liturgjia e ditës
na kujton sa i madh është ndryshimi ndërmjet asaj që themi e asaj që bëjmë. Duke pasur
për model Atin qiellor e për mësues Krishtin, të mos harrojmë kurrë se duhet të sillemi
si shërbëtori para zotërisë e si nxënësi para mësuesit. Të shtunën
e ardhshme më 7 mars, kalendari kishtar përkujton Shenjtoret Perpetua
e Feliçita. Liturgjia e ditës na kujtojnë se mbretëria e Hyjit ndryshon krejtësisht
nga mbretëritë e kësaj bote. Kush dëshiron të hyjë në të, duhet të ecë në udhën e
shërbimit e të pijë kelkun e mundimeve për të shijuar më pas ringjalljen në Krishtin
Zot. Të dielën e ardhshme bie e diela e Dytë e Kreshmëve
e po të dielën më 8 mars nga kalendari kishtar përkujtohet Shën Gjoni
i Zotit, themelues i Kongregatës Fatebenefratelli, pajtor i të sëmurëve e i punonjësve
të spitaleve. Liturgjia e festës së tij na kujton se shijimi i të mirave të kësaj
bote jo vetëm që nuk na i siguron të mirat e jetës së amshuar, por përkundrazi, na
rrezikon t’i humbasim. Fati në jetën tjetër varet nga mënyra e përdorimit të të mirave
të kësaj bote.