(27.2.2009 RV)Nënë Tereza e kumtoi dhe mishëroi me jetë dashurinë e Zotit
për të afërmin, pa kurrfarë dallimi apo përjashtimi. E ta kumtosh Krishtin me
forcën e thjesht të së vërtetës, ishte një ndër mendimet më të thella e të bukura
që Papa ofroi dje gjatë takimit të tij tradicional në fillim të kreshmëve me klerin
Romak. Të frymëzuar nga ky pohim i Benediktit XVI, duam të ndalemi me forcën e thjesht
të së vërtetës tek figura e një dëshmitare të jashtëzakonshme të Krishtit, e cila
me tërë qenien e saj, e vogël e njëkohësisht madhështore, e mishëroi dashurinë e Zotit
në dashurinë për më të varfrit ndër të varfër, pa dallim race, kombi, klase shoqërore
apo feje. E kemi fjalën për çmimin Nobel për paqe, të Lumen shqiptare Gonxhe Bojaxhiun,
Nënë Terezën, botërisht të pranuar e të vlerësuar. Më hollësisht mbi Nënë Terezën,
të dëgjojmë njohësin më të mirë të saj ndër shqiptarë, famullitarin e Prizrenit,
dom Lush Gjergjin në mikrofonin e Radio Vatikanit.........