Папа Бенедыкт 16 звярнуўся да ўдзельнікаў нарады кіраўнікоў ФАО з нагоды 30-годдзя
заснавання гэтай структуры па сельскагаспадарчым развіцці і харчовай дапамозе ААН
з заклікам выкараніць голад у свеце.
"Вынішчэнне галечы і голаду ў свеце ня ёсць утопія, але абавязак усяго міжнароднага
зграмаджання,"- падкрэслівае Свяцейшы Айцец. Ён заклікае кіраўнікоў і ўсіх працаўнікоў
сэктара распрацоўваць новыя далёкаглядныя стратэгіі для барацьбы з голадам, які сёння
кранае каля мільярда людзей! "Ва ўсё больш узаемнаўзалежненым свеце неабходна супрацоўніцтва
багатых і бедных краін праз прыняццё сумесных рашэнняў",- чытаем у звароце. Папа выказвае
адабрэнне дзейнасці ФАО, асабліва ў цяперашні момант крызісу і нестабільнасці цэнаў,
што наносіць урон сельскай гаспадарцы. Ёсць у тэксце спасылка на вопыт крэдытаў
дробным сельскім прадпраймальнікам і сялянам, што ўжо маюць поспех у дапамозе карэнным
народам, якія добра жывуць на сваіх тэрыторыях у гармоніі са сваімі традыцыямі і
не павінны адрывацца ад уласных каранёў у пошуку лепшай долі ў гарадах. Свяцейшы айцец
падкрэслівае на карысную дапамогу з боку пазаўрадавых арганізацый. Многія з іх маюць
сціслыя стасункі з каталіцкай Царквою і абапіраюцца на яе сацыяльную дактрыну. Асноўным
яе прынцыпам ёсць узаемадапамога, якая дае магчымасць кожнай групе ўносіць пасільны
ўклад у агульнае дабро. Калі гэтага няма, пачынаецца бязлітасная эксплуатацыя. Плён
працы сельскагаспадарчых работнікаў вывозіцца для дальніх рынкаў з мінімальнай ці
нават аніякай карысцю для мясцовай грамады. На заканчэнне свайго звароту да ФАО Папа
пырклікае дзейнічаць у аднадушнасці з усімі членамі вялікай чалавечай сям'і, каб гарантаваць
раўнапраўны доступ да земскіх даброў ." Папа прыклікае не згашаць міласэрднасці да
бедных..." сумленне не можа быць спакойным, дакуль не пераадолены галеча і голад".
Мэта выкаранення іх ня ёсць амбіцыйнай - гэта патрабаванне да ўсяго міжнароднага
зграмаджання.