Gëzimi i imzot Dolan për emërimin si kryeipeshkëv i Nju Jorkut
(24.02.2009 RV)Ishte një falenderim prej 360 gradësh ai i djeshmi i imzot Timoti
Dolan, emëruar nga Papa Benedikti XVI, kryeipeshkëv metropolit i Nju Jorkut. Falenderimi
i parë i prelatit iu drejtua pikërisht Atit të Shenjtë, për besimin e dhënë, e më
pas për paraardhësin, kardinalin Eduard Egan e për të gjithë vëllezërit ipeshkvij,
meshtarët, rregulltarët, seminaristët dhe besimtarët katolikë. Gjithashtu, kryeipeshkvi
i ri përmendi edhe bashkëpunëtorët e feve të tjera të krishtera, hebrenjtë, islamikët,
me të cilët, sipas ipeshkvit, do të vazhdojë miqësia. Imzot Dolan përfundoi duke iu
lutur Zotit ta ndihmojë në mision e ri.