Նախագահ Սարգսեանի աշխատանքային հանդիպումը Հեռատեսիլի
եւ ձայնասփիւռի ազգային յանձնախումբի նախագահ Գրիգոր Ամալեանի հետ։
Հ Հ Նախագահ
Սերժ Սարգսեան ընդունած է Հեռատեսիլի եւ ձայնասփիւռի ազգային յանձնախումբի նախագահ Գրիգոր
Ամալեանը. հանդիպումին՝ քննարկուած են Հեռատեսիլի եւ ձայնասփիւռի հեռարձակման մարզին
մէջ առկայ խնդիրներն ու զարգացող հեռանկարներուն առնչուող հարցեր։
Ամալեան նախագահին
ներկայացուցած է իր ղեկավարած յանձնախումբին մօտեցումները՝ սոյն խնդիրներու լուծման
եւ ոլորտի զարգացման վերաբերեալ։ Հայրենի նախագահը խօսելով՝ պատկերասփիւռի եւ ձայնասփիւռի
հաղորդումներուն որակին վերաբերեալ վերջին շրջանին մէջ արձանագրուած հասարակական մտահոգութիւններուն
մասին, ընդգծած է որակական փոփոխութիւններու անհրաժեշտութիւնը, նաեւ կարեւոր նկատած է
ոլորտը կարգաւորող օրէնսդրական բարեփոխումները եւ պատրաստակամութիւն յայտնած է նպաստելու
այդ գործընթացին։
Լիբանան- Պէյրութի Հայ կաթողիկէ Ս Եղիա-Ս Գրիգոր Լուսաւորիչ
եկեղեցւոյ մէջ Վարդանանց տօնակատարութիւն։
Հինգշաբթի, 19 փետրուար 2009ին,
Պէյրութի Հայ կաթողիկէ Ս Եղիա-Ս Գրիգոր Լուսաւորիչ եկեղեցւոյ մէջ տեղի ունեցաւ Ս պատարագ՝
Սրբոց Վարդանանց զօրավարաց տօնին առիթով։ Պատարագեց գեր. Հ. Եղիա վրդ Եղիայեան, որ այս
առիթով արտասանած իր քարոզին մէջ վեր առաւ Վարդանանց հաւատամարտին կարեւորութիւնը՝ իբրեւ
ազգապահպանման խորհրդանիշ։