പ.സിംഹാസന ഇസ്രായേല് പ്രതിനിധികളുടെ ഉഭയകക്ഷി സ്ഥിരപ്രവര്ത്തകകമ്മീഷന്െറ ഒരു സമ്മേളനം
ഇസ്രായേലില് ബുധനാഴ്ച നടന്നു. അവിടത്തെ വിദേശമന്ത്രാലയമായിരുന്നു അതിന്െറ വേദി. അന്നാട്ടിലെ
സഭയുടെ വസ്തുവകകള്, നികുതി എന്നിവയെ സംബന്ധിച്ച സാമ്പത്തികകരാര് ആയിരുന്നു മുഖ്യചര്ച്ചാവിഷയം.
ആ കരാര് സാക്ഷാല്ക്കരിക്കുവാനുള്ള സംയുക്ത പ്രതിബദ്ധത സമ്മേളനം നവീകരിച്ചു. സമ്മേളനത്തെ
അധികരിച്ച് പ.സിംഹാസനവും, ഇസ്രായേലും കുടി സംയുക്തമായി പുറപ്പെടുവിച്ച ഒരു വിജ്ഞാപനമാണ്
ഈ വിവരങ്ങള് നല്കിയത്. പ.സിംഹാസനത്തിന്െറയും, ഇസ്രായേലിന്െറയും പ്രതിനിധികള് 1993ല്
അംഗീകരിച്ച അടിസ്ഥാനകരാറിന്െറ വെളിച്ചത്തില് ഇസ്രായേലിലെ കത്തോലിക്കാസഭയുടെ വസ്തുവകകളെ
പ്രത്യേകിച്ച് സഭയുടെ പുണ്യസ്ഥലങ്ങളെ സംബന്ധിച്ച ഒരു കരാറിനു രുപമേകുന്നതിനെ സംബന്ധിച്ച
ചര്ച്ചകള് 1999 മുതല് നടക്കുകയാണ്.