Pritje për 80-vjetorin e Pakteve Lateranense ndërmjet Italisë dhe Vatikanit
(19.02.2009 RV)Ndërmjet Italisë dhe Selisë së Shenjtë marrëdhëniet janë shumë
të mira. Kështu u tha mbrëmë në pritjen, që u zhvillua në ambasadën italiane pranë
Vatikanit, me rastin e 80 vjetorit të nënshkrimit të Pakteve Lateranense dhe të 25-vjetorit
të rishikimit të Konkordatit. Morën pjesë presidenti i Republikës së Italisë, Xhorxho
Napolitano, kryeministri Silvio Berluskoni, kardinali-sekretar i Shtetit të Vatikanit,
Tarçizio Bertone dhe kryetari i Konferencës Ipeshkvnore Italiane, imzot Anxhelo Banjasko.
Ndër të tjera, u fol edhe për tema ndërkombëtare, si dhuna kundër katolikëve në disa
zona të botës.