Нядаўна рада грамадскага аб'яднання "Таварыства беларускай мовы імя Францішка Скарыны"
(ТБМ) заснавала рэдакцыйна-выдавецкую ўстанову і літаратурна-мастацкі часопіс "Верасень".
Як
зазначыў ініцыятар стварэння новага часопіса, паэт і грамадскі дзеяч Станіслаў Суднік,
патрэба ў літаратурна-мастацкім выданні выклікана перадусім тым, што творы многіх
вядомых сучасных беларускамоўных празаікаў і паэтаў выключаны з праграм беларускіх
агульнаадукацыйных устаноў. У часопісе "Верасень", паводле слоў Судніка, мяркуецца
публікаваць творы класікаў беларускай прыгожага пісьменства, а таксама найбольш актуальныя
сучасныя творы нацыянальнай прозы, паэзіі і драматургіі, якія маюць важнае значэнне
для выхавання маладога пакалення Рада зацвердзіла статут рэдакцыйна-выдавецкай
установы. Яго дырэктарам і галоўным рэдактарам стала журналіст Кацярына Маркоўская.
Паводле слоў Судніка, ТБМ мае тры рэдакцыйна-выдавецкія ўстановы. Яны выпускаюць газету
"Наша слова" і краязнаўчы часопіс "Лідскі летапісец" у горадзе Ліда (Гродзенская вобласць),
а таксама штотыднёвік "Новы час" у Мінску, паведамляе БелаПАН.