У Менску 13 лютага на 80-м годзе жыцьця памёр чалец Саюзу беларускіх пісьменьнікаў
і Беларускага ПЭН-цэнтру Валянцін Тарас. Валянцін Тарас нарадзіўся ў Менску 9
лютага 1930 году ў сям'і мастака. У часы Вялікай Айчыннай вайны ў 13 гадоў пайшоў
у партызаны. У пасьляваенныя гады працаваў, вучыўся ў вячэрняй школе й на факультэце
журналістыкі Беларускага дзяржаўнага ўніверсытэту. Працаваў у рэдакцыях газэты "Звязда"
й часопіса "Нёман". Аўтар шэрагу кніг паэзіі й прозы. У канцы 2007 году ў бібліятэцы
газэты "Наша Ніва" выйшлі мэмуары Валянціна Тараса "На высьпе ўспамінаў". Гэтае літаратурна-мастацкае
выданьне на 600 старонках адлюстроўвае цэлую эпоху ў жыцьці грамадзтва з 1930-х гадоў
да пачатку XXІ стагодзьдзя. БелаПАН