Менск: працягваецца малітва аб хутчэйшай бэатыфікацыі Слугі Божага Яна Паўла ІІ
14 лютага 2009 г., у дзень успаміну святых Кірыла і Мятода — апекуноў Еўропы, у мінскім
касцёле Святых Сымона і Алены ў 17.00 адбудзецца святая Імша ў інтэнцыі хутчэйшай
беатыфікацыі Слугі Божага Яна Паўла ІІ. Цэлебрацыю ўзначаліць Апостальскі Нунцый у
Беларусі арцыбіскуп Марцін Відавіч. Канцэлебраваць святую літургію будуць дапаможны
біскуп архідыяцэзіі біскуп Антоні Дзям’янка, святары архідыяцэзіі. Святой Імшы
будзе папярэднічаць канферэнцыя, прысвечаная постаці Эдварда Вайніловіча — фундатара
касцёла Святых Сымона і Алены, якая распачнецца ў 9.00. Канферэнцыю адкрые Мітрапаліт
Тадэвуш Кандрусевіч. У ёй прымуць удзел гісторыкі і дзеячы з Беларусі, Польшчы, Літвы. Пасля
святой Эўхарыстыі адбудзецца канцэрт, падчас якога прагучаць музычныя творы ў выкананні
калектыву з Варшавы (Польшча). Прыняць удзел у набажэнстве і іншых запланаваных
мерапрыемствах запрошаны прадстаўнікі дыпламатычных пляцовак Італіі, Францыі, Літвы,
Латвіі, Польшчы, Украіны, Расіі ў Рэспубліцы Беларусь.