Ngushëllimet për viktimat, integrimi i popullsisë vendase e kundërshtimi abortit,
në fjalimin e Papës ambasadorit të ri të Australisë pranë Vatikanit
(12.2.2009 RV)Ngushëllimet për
viktimat e zjarreve, integrimi i popullsisë vendase e kundërshtimi i abortit, këto
qenë argumentet e fjalimit të Papës drejtuar ambasadorit të ri të Australisë pranë
Selisë së Shenjtë, Timoti Andreu Fisher, të cilin Ati i Shenjtë Racinger e priti sot
paradite në Vatikan për paraqitjen e Letrave kredenciale. Australia digjet e qanë
për një katastrofë të cilën bota mbarë e shikon e tronditur thellë: 200 gati janë
viktimat e zjarreve, por numri i tyre mund të rritet edhe më tepër e dëmet materiale
janë të pallogaritshme, një faunë e tërë është shkatërruar nga zjarri, ku sipas ekspertëve
janë vra me miliona kafshë. Benedikti XVI, që ditëve të fundit pati dërguar një telegram
ngushëllimi, sot e filloi fjalimin e tij duke siguruar edhe një herë lutjen e solidaritetin
e vet, në mënyrë të posaçme tha Papa “me individët dhe familjet e Shtetit të Viktories,
që ka kanë humbur të dashuritë e tyre në zjarret e këtyre ditëve”. Mirëpo Australia
nuk mund të mos i sjellte Papës kujtimet akoma të freskëta të vizitës së tij në këtë
Vend. Dita Botërore e Rinisë mbajtur në Sidnej 2008 i dha rastin Atit të Shenjtë Racinger
për të reflektuar jo vetëm mbi pasojat e një ndërgjegjësimi më të madh të krishterë
që ka prodhuar ngjarja në Vend, por edhe më në përgjithësi, mbi nevojën e spiritualitetit
dhe të vlerave ideale për të cilat shoqëritë me mirëqenie ekonomike kanë nevojë.
Për “ ti kundërshtuar tendencat e pragmatizmit e të utilitarizmit, sot kaq të përhapura”,
vrejti Benedikti XVI, është e nevojshme të “sjellët drita” e “përmasës shpirtërore
e njerëzimit”, e vetmja që mund t’i hap e jap shoqërisë “një vizion shprese”: “I
Lutëm Zotit që ky brez i ri i të krishterëve në Australi e në mbarë botën të mund
ta përhap entuziazmin e vet për atë çka është e vërtetë dhe e mirë duke krijuar miqësi
të përbashkëta e duke ndërtuar (krijuar) vende të jetës e fesë në dhe për botën tonë,
duke zgjedhur shpresën e dashurinë konkrete”. Duke vështruar pastaj shoqërinë
australiane në tërësinë e saj – e cila është njëkohësisht fryt i ngadalshëm e jo pa
dhimbje i integrimit të popullsive vendore – Papa pohoi se “diversiteti” etnik ka
qenë “për dekada” i errësuar nga padrejtësitë e dhimbshme që kanë pësuar popullsitë
e lashta vendase”. Megjithatë, Papa shtoi se: “Përmes kërkimit të faljes që kryeministri
Rud ka ofruar, është bërë një ndryshim i thellë i zemrave të qytetarëve. Tani, në
frymën e ripërtërirë të pajtimit, të dyja agjencitë: ajo e qeverisë dhe ajo e popullsive
të lashta vendase mund t’i bëjnë ballë me vendosmëri e mirëkuptim sfidave të shumta
që i presin”. Në vazhdim të fjalimit drejtuar ambasadorit të ri të Australisë
pranë Vatikanit, Papa u ndal tek përpjekjet, të cilat janë “për t’u lavdëruar” nga
ana e qeverisë australiane për lehtësimin e dialogut ndërfetar e bashkëpunimin – si
në atdhe po kështu në rajon – dhe vlerësoi ndërhyrjet të ndryshme përmes të cilave
Australia po luan një rol të dorës së parë në skenën ndërkombëtare, në Azi por edhe
në Afrikë, e në mënyrë të veçantë në mbështetjen e Vendeve të varfra të botës. “Dritë
hijet e globalizimit”, vrejti Benedikti XVI, po i shtrijnë “rrënjët e tyre në botën
tonë e gjithnjë në një mënyrë përherë e më të ndërlikuar” duke krijuar mangësi e
urgjencë njëherit: “Ndoshta sot më shumë se kurrë, në historinë njerëzore, themeli
i marrëdhënies ndërmjet Krijuesit, krijimit e krijesave duhet të jetë më i matur dhe
më i respektueshëm. Nga ky reflektim mund të rizbulojmë kodin e përbashkët etik, që
qëndron në norma që janë të rrënjosura në ligjet natyrore të shkruara nga Krijuesi
në zemrën e çdo qenie njerëzore”. Në përfundim, Papa nënvizoi rolin e Kishës
katolike në Australi, sidomos në fushën e asistencën mjekësore e shëndetësore e këtu
Benedikti XVI preku temën e abortit, duke nxjerr në pah “ironikisht” faktin se “disa
grupe, përmes programeve të ndihmave” promovojnë “abortin - tha Papa duke stigmatizuar
- si një formë të asistencës amnore shëndetësore”: e marrin jetën, “gjoja për të përmirësuar
cilësinë e jetës”, nënvizoi Ati i Shenjtë Racinger.