Агульная Аўдыенцыя Сьвяцейшага Айца ў сераду 4-га лютага

Адбылася яна ў зале імя Папы Паўла 6-га. Прыбыло на яе многа вернікаў і паломнікаў з кожнага кутку сьвету. Была гэта ўжо чацьвёртая сустрэча Бэнэдыкта 16-га з вернікамі ў гэтым годзе.
У сёньняшняй катахэзе Сьвяцейшы Айцец зноў гаварыў да прысутных вернікаў аб Апостале Паўлу.

Мучаніцкая сьмерць Апостала Паўла традыцыя Касьцёла гаворыць, што наступіла тут у Рыме. Новы Запавет не апісвае аднак гэтага факту. Аб яго блізкасьці ўспамінае толькі Другое Пасланьне да Цімафея і Ліст да Філіп”янаў. Падрабязнасьці мы знаходзім у раньня-хрысьціянскіх пісьмах. Надзвычайным сьведчаньнем ёсьць ліст біскупа Рыму Клемэнса накіраваны да Царквы у Карынце з канца першага стагоддзя, як і сьведчаньне Эўзэбія з Цэзарэі і пісьмы Ірынэя з Ліёну ўказваюць мучаніцкую сьмерць Сьвятога Паўла разам з мучаніцкаю сьмерцю Сьвятога Пятра.
Дакладнае апісаньне здарэньняў – працягваў Папа ў часе сёньняшняе катахэзы- падаюць Дзеяньні Паўла напісаныя пад канец другога стагоддзя. З крыніц вынікае, што Апостал Народаў прыгавораны Нэронам згінуў сьцятым ад мяча ў часе перасьледаваньняў паміж 64 а 68 годам у месцы называным сёньня Tre Fontanne, значыць Тры Крыніцы. Быў пахаваны па-за мурамі Рыму пры остыйскай дарозе.
У гісторыі хрысьціянства- сказаў далей Папа- Сьвяты Павал ёсьць вынятковаю асабістасьцю. Пакінуў па сабе вялікую спадчыну. У падабенстве да самога Хрыста быў знакам супраціву. Для адных нязвычайны місіянар, настаўнік мудрасьці, містык. Для іншых адступнік ад Закону, вораг і ашуканец. Непадрыўны аўтарытэт для хрысьціянскіх пісьменнікаў: Арыгена, Сьвятога Яна Хрызастома, Сьвятога Аўгустына, Сьвятога Тамаша і для многіх іншых.
На працягу ўсіх стагоддзяў- зноў гаварыў Бэнэдыкт 16- яго Пасланні становяць прадмет навуковых дасьледаваньняў. У 19-м стагоддзі з прычыну Лютара і Пратэстанцкае Рэформы ды філязофіі Нічэ, навучаньне Апостала Паўла ды заснаваныя ім Цэрквы сталі прадметам новага вывучэньня. У Каталіцкай Царкве- сказаў на заканчэньне сёньняшняе аўдыенцыі Папа- Пасланьні Сьвятога Паўла далі пачатак шматлікім Рухам і Рэлігійным Супольнасьцям, якія астаюцца вернымі яго вялікай спадчыне. Гэта, між іншым, Зграмаджаньне Сьвятароў Сьвятога Паўла Бэрнабіты; Таварыства Сьвятога Паўла Паўлісты, Місіянары Сьвятога Паўла.
Хай навучаньне Вялікага Апостала Народаў, сьведчаньне яго жыцьця дапамогуць зьберагчы хрысьціянскую тоеснасьць кожнаму з нас і ўсім Супольнасьцям Касьцёла.
На заканчэньне аўдыенцыі Папа прывітаў ўсіх вернікаў, асабліва хворых, моладзь ды новыя шлюбныя пары надзяляючы на ўсіх сваё Апостальскае Блаславенства