Міністэрства фінансаў Германіі вырашыла даць на чарговую чаканку манеты вартасцю ў
2 еўра выяву Кёльнскага сабору.
30 млнаў манет будзе выпушчана з адбіткам цудоўнай катэдральнай базілікі Кёльна.
Прыгадаем тут вестку, якую нядаўна перадалі : Сабор у Кёльне быў закладзены
15 жніўня 1248 года. Сюды быў змешчаны ўнікальны рэлікварый з мошчамі Трох Каралёў-магаў.
Гэтая рàка для неацэнных святынь была створаная майстрам Нікалаўсам
фон Вердунам напрыканцы 12 - пачатку 13 стагоддзяў. Базіліка мае непаўторнай прыгажосці
алтар Трох каралёў працы Стэфана Лохнера(1445 год). Сабаровая скарбніца ўтрымлівае
непаўторныя літургічныя кнігі ў залатых акладах, вялікую калекцыю унікальных прадметаў
хрысціянскага культу і старажытных мастацкіх вырабаў . Кёльнскі сабор будаваўся шмат
вякоў, а фасад быў завершаны толькі ў 19 стагоддзі. У гады 2й Сусветнай
вайны быў моцна пашкоджаны, але хутка адноўлены.
Як лічыць большасць
жыхароў краіны, Кёльнскі сабор ёсць найбольшаю славутасцю Нямеччыны. Катэдра з'яўляецца
самай папулярнаю ў Германіі і для замежных турыстаў. Адпаведна праведзенаму апытанню,
гатычная базіліка апярэджвае па наведваннях Бярлінскія і Дрэздэнскія культавыя будынкі
і помнікі архітэктуры.