(01.02.2009 RV)Më e madhja tragjedi, është atëherë kur hesht Zoti, kur
nuk e shohim më, kurduket se është mbyllur në qiejt e tij pa fund, e
gati-gati, si të ishte neveritë, prej çka bëjnë njerëzit atje poshtë në tokë. ..
Atëherë njerzimi ngjethet i vetmuar, krejt i braktisur, pa paqe, pa shpëtim e
i pashpresë. E populli, i lënë në mëshirë të fatit, ndjehet i humbur, prej
tmerrit i pushtuar. Thua kjo vetmi e jetës s'është burim i thellë dëshpërimi, që
ditët na i nxin e netët na i bën skëterrë? Pasiguria që shpirtin na e pushton, e
ankthi që na bren e na rrenon, të gjitha prej një gurre zënë fillë: kemi braktisur
Zotin, shkëmbin e shpëtimit tonë. Atëherë na duket se Zoti hesht, e hesht
pse fjalën ne nuk ia dëgjuam. Në se populli beson e kthehet prap te Zoti, ai
heshtjen do ta thejë, sërisht do të flasë, e krahët do t'i hapë e do të na presë
e do të na përqafojë përsëri, kur të vrapojmë drejt tij!