(29.01.2009 RV)Parlamenti britanik do të vendosë në ditët e ardhshme nëse duhet
ndryshuar apo jo i ashtuquajturi “Act of Settlement”, ligji i vitit 1701, sipas të
cilit sovranët nuk mund të jenë katolikë e as të martohen me katolikë. Ligji konsiderohet
diskriminues, por shfuqizimi i tij mund të sjellë ndarjen e Kishës së Anglisë nga
Shteti mbi të cilin është ngritur dhe mund të ndryshojë strukturën kushtetuese të
vendit. Propozimi parashikon gjithashtu, që gratë të mund të bëhen mbretëresha edhe
nëse kanë vëllezër më të vegjël.