Deklaratë e Atë Federiko Lombardit lidhur me fjalët e Papës për Shoah
(28.01.2009 RV)Lidhur me këto fjalë, që Papa ia kushtoi qëndrimit ndaj Shoah,
në sa Rabinati i Izraelit ka ndërprerë për një afat të pacaktuar marrëdhëniet zyrtare
me Vatikanin, pasi iu hoq shkishërimi ipeshkvit Lëfevrain Riçard Uiljamson, i cili
mohon Shoahin, Atë Federiko Lombardi saktëson:
“Fjalët e Papës për
Shoah, shprehur në raste të ndryshme, në të kaluarën, të cilat sot u përsëritën edhe
një herë, duhet të jenë më se të mjaftueshme për t’iu përgjigjur atyre që kanë ende
dyshime mbi qëndrimin e Papës e të Kishës katolike lidhur me argumentin. Urojmë,
prandaj që, edhe në dritën e tyre, kundërshtimet e Rabinatit të Izraelit të jenë
objekt i një reflektimi të ri e më të thellë, në bashkëbisedim me Komisionin e marrëdhënieve
me hebraizmin, të Këshillit Papnor për bashkimin e të krishterëve, në mënyrë që dialogu
i Kishës katolike me hebraizmin të vijojë me fryt e qartësi”.