(22.01.2009 RV)22 janar 1788- Lindi poeti romantik anglez Lordi Bajron (Xhorxh
Gordon). Shkroi shumë vepra letrare, midis të cilave një vend të rëndësishëm zë
poema e njohur “Çajld Harold’s” shkruar në bazë të përshtypjeve të përftuara gjatë
udhëtimeve të poetit në Spanjë, Greqi, Shqipëri, Zvicër, Itali etj. Kjo poemë u përkthye
në gjuhën shqipe në vitin 1955 nga Skënder Luarasi.
22 janar 1919. Në Shkodër
nisi të dalë gazeta politike, shoqërore e kulturore, shqip dhe frëngjisht, “Koha e
re”. Kjo gazetë e re, botuar nën drejtimin e Nikollë Ivanajt, ishte organ i klubit
“Lidhja Kombëtare”. Gazeta propagandoi bashkimin kombëtar të të gjithë shqiptarëve
në një shtet të pavarur e demokratik.