Дэлегацыя хрысціян-лютэранаў з Фінляндыі была прынятая Папам Бенедыктам 16 на спецыяльнай
аўдыенцыі.
Такі візіт у Рым лютэранскія вернікі робяць штогод для адзначэння Дня патрона Фінляндыі
- святога Генрыха, які супадае з пачаткам Тыдня малітвы за адзінства хрысціян. Цяпер
пры сустрэчы Папа горача павітаў дэлегатаў і схіліў іх падумаць у кантэксце святога
Пісання.У прыватнасці, з прарока Езікіля, з якога і ўзятая сёлетняя тэма Тыдня: "Хай
будзем адно ў руцэ тваёй". Папа дадаў яшчэ фрагмент са старажытнай навучальнай кнігі,
калі ствол дрэва падзяляецца на два - як алегорыя падзелу Божага народу на Юдэю і
Галілею." Гэта працягвае заставацца актуальным да нашых дзён," - падкрэсліў Папа.
Ён прыклікаў усіх хрысціянаў маліцца, каб Хрыстус абнавіў нас і вызваліў ад нашых
падзелаў. Крокам для гэтага ужо сталася "Агульная дэкларацыя Апраўдання" між католікамі
і лютэранамі, якой ужо 10 год. І працы працягваюцца разам з Камісіяй па экуменічным
дыялогу Фінляндыі і Швецыі. "Мая самая гарачая надзея, - працягваў Бенедыкт 16, -што
ваш візіт у Рым больш умацуе доўгатэрміновыя станоўчыя экуменічныя адносіны між лютэранамі
і католікамі самой Фінляндыі. У сваю чаргу, кіраўнік дэлегацыі біскуп лютэранскай
Царквы Густаў Бьёргстранд прыпомніў, што Фінляндыя была Эвангелізаваная ўжо пасля
падзелу і ўспрыняла рэформу гітарычна, без аніякага вырачэння з яе боку. Ён падкрэсліў,
што католікі і лютэране Швэцыі і Фінляндыі маюць шмат агульнага , у тым ліку, з багаслоўскага
і дактрынальнага пункту гледжання.