(20.01.2009 RV)Sot paradite, më në fund gazi rus nisi të rrjedhë përsëri nëpër
tubacionet e Ukrainës të cilat e përcjellin deri në Evropë. Kapërcimi i krizës u bë
i mundur falë një marrëveshjeje nënshkruar në Moskë ndërmjet kryeministrit rus Vladimir
Putin e kryeministres ukraninase Julia Timoshenko. Marrëveshja, që u arrit të dielën
në Moskë, u nënshkrua dje edhe nga presidentët e shoqërive ruse Gazprom dhe asaj ukrainase
Njeftogaz. Marrëveshja parashikon ndarjen e gazit që kalon nëpër Ukrainë në gaz për
konsum të brendshëm dhe gaz për Evropën. Presidenti Putin tha se me nënshkrimin e
kontratës që skadon në 2029 nuk ka më nevojë për vëzhgues nga Evropa.