(09.01.2009 RV)“Agjensi e informacionit fetar me përmasa vendase e globale,
e themeluar për t’i dhënë botës katolike e asaj laike një panoramikë të tërësisë së
realieteteve të shumta që përbëjnë Kishën”: kjo është Agjensia SIR (Shërbimi i Informacinit
Fetar) nën drejtimin e Konferencës ipeshkvnore italiane. Më 13 janar Sir kremton 20
vjetorin e fillimit të veprimtarisë, sa në shërbim të Kishës, aq edhe të shoqërisë
laike. Veprimtaria e saj, e nisur më 1989 me objektivin për të dhënë informacione
në shërbim të mirëkuptimit e të dialogut ndërmjet përvojës kishtare e opinionit publik,
vijon me sukses përvojën e të përjavshmeve të hershme katolike italiane, me shtrirje
në të gjithë territorin, që shquheshin për origjinalitetin e trajtimit të argumenteve
të fesë, të historisë e të kulturës popullore. Është në shërbim të të përjavshmeve
kishtare lokale, por jo vetëm: u drejtohet të gjitha mediave laike e sot, falë mundësive
që krijon interneti, të gjithë njerëzve që kanë dëshirë të hapin një faqe të re, të
panjohur, për të pasuruar kulturën e tyre.