Nuk respektohet rezoluta e OKB-së për armëpushim të menjëhershëm në Rripin e Gazë.
(09.1.2009 R.V.)Rezoluta e OKB-së për një armëpushim të menjëhershëm në Rripin
e Gazës nuk i ndal luftimet, ku bilanci i viktimave ka arritur gati në 800 të vdekur
e mase 3 mijë të plagosur. Dje, prej sulmeve izraelite është goditur një karvan i
veprimtarëve humanitarë të OKB-së, duke vrarë njërin prej tyre. Pasoja e këtij sulmi
qe ndërprerja e menjëhershme e aktivitetit të ndihmës nga ana e Kombeve të Bashkuara
në Gaza. E natën e kaluar, në selinë e Organizatës së Kombeve të Bashkuara është
miratuar rezoluta e parë e Këshillit të Sigurimit mbi ndalimin e menjëhershëm të konfliktit
ndërmjet Izraelit e Hamasit. Miratimi i rezolutës është votuar nga 14 vende, ndërsa
SHBA-së kanë abstenuar. Po Hamasi ka refuzuar rezolutën e OKB-së për armëpushim
në Gaza, duke thënë se Rezoluta është e padrejtë, sepse OKB-ja ka vendosur në të njëjtin
plan viktimat dhe agresoret e tyre”. Ndërkaq, Izraeli edhe sot
ka zbatuar armëpushimin treorësh për të lejuar popullsitë e Gazës të furnizohet me
ushqime. Dhjetëra kamionë me ndihma humanitare janë autorizuar të hyjnë sot në Gaza
nga pika kufitare Kerem Shalom. Pas zbatimit të armëpushimit treorësh, Izraeli
ka vazhduar me operacionet ushtarake kundër objektivave të Hamasit. “Ushtria jonë
do të vazhdojë luftën për të mbrojtur të drejtat e civilëve izraelite dhe për të realizuar
objektivat në këtë operacion”, deklaroi sot kryeministri i Izraelit Ehud Olmert, i
cili shtoi se raketat e hedhura sot kundër izraeliteve në jug të vendit, tregojnë
se rezoluta e OKB-së është e parealizueshme dhe nuk do të respektohet nga organizatat
ekstremiste palestineze. Po sot në pjesën lindore të Jerusalemit, në mbarimin e lutjes
të së premtes, një grup të rinjsh myslimanë gjatë manifestimit kundër sulmeve izraelite
është ndeshur me policinë izraelite.